mahz do roza yeh zindagi ab baaqi hai's image
0 Bookmarks 22 Reads0 Likes

’Sahil’, mahz do roza yeh zindagi ab baaqi hai
Sach puchho to shayad yeh bhi bahot kaafi hai

Aakhir kab talak chalti rahegi rail gaari apni
Patri bhi to jis ki ab khaasi puraani hai

Manzar dikhaati hai tu jaavidani ke kyon
Zindagi, tu to waaqayi zabardast deewaani hai

Maana, ke deti hai tu alamat aarizi honey ke
Lekin, maaloom hai hamen tu kitni aani jaani hai


Faramosh na hona is baat se tum kabhi, logo
Dil to usi ka jalta hai jis ne aag lagaayi hai


Dosto, saraab to hum dekha karte hain sahra men
Sirf haqeeqat ke saharey jeena bhi pareshaani hai

Khwaab na dekhe to beh jaayega sumundur men
‘Sahil’, koi nadi, koi behr, sabki yehi kahani hai

Aitbaar kis per karen bata vaaiz, khaamosh kyon
Zindagi to faani hai, magar badi suhaani hai

No posts

Comments

No posts

No posts

No posts

No posts