ഭ്രാന്തൻ

ഉറക്കെയുറക്കെ അലറിച്ചിരിക്കുന്ന

വഴിതെറ്റിയ ചിന്തകൾ പിടിമുറുക്കുന്ന  

അലസമാം മനസ്സിന്റെ വിഴുപ്പുകൾ 

ചുമന്നുകൊണ്ടലയുന്നവൻ ഭ്രാന്തൻ..

കാണുന്ന മാത്രയിലുള്ളിന്റെയുള്ളിൽ

ഭയമുളവാക്കുന്ന ചേഷ്ടകൾ കാട്ടി

ആരോടെന്നില്ലാതെ പുലമ്പിക്കൊണ്ട്

അകലെയിരുന്നൊന്ന് തുറിച്ചു നോക്കി

തലയൊന്നിളക്കിയാട്ടുന്നവൻ ഭ്രാന്തൻ..

മുഷിഞ്ഞു നാറുന്ന ഉടുതുണിയാലേ

വിഭ്രാന്തിയിൽപ്പെട്ടെന്തിനെന്നറിയാതെ

നെട്ടോട്ടമോടുന്ന നേരത്തൊരുനേരം 

ഭിക്ഷയായ് കിട്ടുന്നൊരുപിടി ചോറിന്റെ 

രുചിപോലുമെന്തെന്നറിയാത്തവൻ ഭ്രാന്തൻ..

വാർന്നൊലിയ്ക്കുന്ന മുറിവുകളുണ്ടെങ്കിലും

സഹിക്കുവാനാകാത്ത വേദനയുണ്ടെങ്കിലും 

ഒന്നുമേ തിരിച്ചറിയുവാനാകാ