उल्टो रुख - भूपिन ब्याकुल

बालककालमा

बालसाथीहरुले भन्थे-

“फलफुल खाँदा बियाँहरु ननिल्नू

निलेपछि

पेटमा उम्रिन्छन बियाँहरु

पेटमा नै बिरुवा लाग्छ

पेटमा नै बिरुवा पलाउँछ

रुख बन्छ

र मानिसको मृत्यु हुन्छ | ”

रातभरी सपनामा म

आफ्नो पेटमा रुख देख्थें

मृत्युदेखि भयभित

म संधैसंधै

फलफूलका बियाँहरुसंग सतर्क रहन्थेँ

थाह छैन कहिले निलें मैले

अन्जानमा फलफुलका बियाँहरु ?

कहिले उम्रियो यो उल्टो रुख मेरो शरीरभित्र ?

कहिले हाँगाहरु पलाए ?

मेरो मस्तिष्कभरि

कहिले झ्यांगिए रुखका जराहरु ?

थाह छैन

कहिले र कसरि हुर्काएँ मैले

यो सुन्दर उल्टो रूख आफुँभित्र ?

यध