तामागी देशको मानचित्रबाट मेटिदैं थियो ! - भूपीन व्याकुल

शहरले अपहरण गरेको छ, तिम्रो आत्मा

र अचानो माथि राखेको छ, तिम्रो ढुकढुकी

देश, म त्यही आस्था र ढुकढुकी खोज्दै

यस्तो गाउंमा आईपुगेको छुं

जहां मान्छेहरु भन्दा बढी घरहरु छन्

जहां सुरक्षाहरु भन्दा बढी डरहरु छन्

मेरो अनुहारनै

एउटा प्रश्न भएर अगाडि उभिए पछि

गाउंका बृद्ध मुखिया ओतेले भने –

“युवतीहरु सपना खोज्न शहर पसेका छन्

युवाहरु जिवन खोज्न बिदेश पसेका छन्

र प्राण थामि रहेका बुढा बुढीहरु

आंगनमा काल पर्खेर बसेका छन्

यो गाउंको तातो पसिना

बिदेशको माटोमा बगेको छ

यो गाउंको तातो रगत

बिदेशको पानीमा बगेको छ ।”

मैले सोधें –

“कसले रोपेर गए

लाहुरे फुलका यि उदास बोटहरु ?

कस