Kaise batau ab tumhe ?

Dekha to tumne bhi tha,

Jab khud hi akele khushi main tum jhoom rahe the,

Aur main ek kone main shant chup-chap khada tha..

Kaise batau ab tumhe?

Dekha tumne bhi tha,

Jab maine har baar tumhare haal puchhe the,

Aur tumne thik hun keh k palat ke kaisa hain tu tak puchha na tha..

Kaise batau ab tumhe ?

Dekha tumne bhi tha,

Jab jazbaat maine alfazon main baya kiye the,

Aur tumne sirf unhe dekh ke andekha kiya..

Kaise batau ab tumhe ?

Dekha tumne bhi tha,

Jab pareshan tere naa bolne se tha,

Aur tumne over thinker keh ke chup kara diya..

Kaise batau ab tumhe ?

Dekha tumne bhi tha,

Jab teri har chhoti si baat pr fikr teri karta tha,

Aur tumne over possessive keh ke juthla diya..

Aur kaise batau ab tumhe ?

Dekhte tum bhi ho mere sab halat,

Par khud hi dooriyan banake,

Bas nazre churate rehte ho..