Waqt ka khoobsurati se Thamna

Musalsal guzarta waqt bhi thehar sa jaata hai...Jab Chaand mein Tum dikh jaate ho

Gajre mein tum mehkte ho

Bindi mein tum chamakte ho

Surme ki syaahi raah tumhari taak'ti hai

Hotho'on pe laali tumhein soch mandmuskati hai...

Kaan'on ki baali ithlati hai...

Gale ka haar humare Prem ki jeet ke maano malhar gungunata hai...

Chudiy'an khushi ki khanak se goonj uth'ti hai...

Bajubandh humare bandhan ko atut bata raha ho...

Kardhani balkha'kar matak rahi hoti hai dheeme dheeme dhun pe Prem ki humare...Aur

Ghungroo guftagoo kar rahe hote hai Prem ko pukare...Saara bhaar Sambhale...Waqt ke Sahare.