Hum ek hokar dikhaye

Siyaasat ke iss daur me,

Koi insaaniyat ka parcham bhi to lehraaye

Kursi aur netao’n ki laaadai ke beech

Koi desh ka khyaal bhi to mann me jagaaye

Bas voto pe chalte iss desh me

kyu na prajaa ko suna jaaye

Ghulami se azaad hue iss desh ko

Koi bhrastachaar se bhi to azaadi dilaye

Gandhi- Nehru ke is desh me

Kyu bhala godse ko pujaa jaye

Devi- matao'n ke desh me,

Aaj kyu stree ka apmaan saha jaaye

Bhule bhatke logo ko 

Sach hme samjhana hoga

Desh ki takleefo ka 

Ehsaas unhe karaana hoga

Dangayio ke saaaye me palte

Hamare hindustaniyo ko

Sacchi deshbhakti se

Kyu na hum rubaru karaye

Aao aaj desh ke khaatir

Hindu Muslim Sikh Isaai

Hum sab ek ho jaye

Siyaasat ke pehredaaro tak

Apni buland awaaz pahunchaye

Satta ke laalach se aage badh 

Kyu na deshhit ka socha jaaye

Aaj aayi hai aanch jo desh ki ekta par

To laazmi hai ki hum ek hokar dikhaye

Aaj utaarkar darr ka choga 

Bahaduri ke libaas me samaaye

Jo bol sake wo bole 

Jo goonge hai wo kalam uthaye

Jo aaj aayi hai aanch hmari ekta par

To laazmi hai ki hum ek hokar dikhaye!

© Sajida hussain