HUM DOST HI THIK HAI

Hum dost hi thik hai,
Yeh baat humesha apne man mai rakhi thi,
Kabhi pyaar ka izhaar bhi na kiya,
Tumse faasla banaya rakha ki kahi dosti kharab na ho
Isiliye hum dost hi thik hai!!

Tum khone ke dar se ruh kaap uthati thi meri,
Tumhe apna bananeki humesha khwahish thi meri,
Yeh zamane ne bahot dard diye hai ab,
Bas tumhare kandhe par sar rakhkar rona chahti hoon,
Par kya kare dosti ke aage toh pyaar bhi haar jaata hai 
Isiliye hum dost hi thik hai.

Jab socha hi ab bata du tumhe apne dil ki baat,
Tab tumhe kisi aur ke paas mudta dekha,
Kisi aur ka sar tumhare kandhe par dekha.

Apne aansu rokkar ghar ki aur badti chali gayi,
Apne aap ko badnaseeb ka taana deti rahi ,
Par fir socha ki tum toh mere kabhi the hi nhi!

Tumhe apna bananeki khwahish ab dafan ho chuki hai
Aur ha aaj bhi pyaar utna hi hai tumse lekin ab zaahir karneki himmat nhi hai!

Kyunki hum dost hi thik hai!!