नको येऊ पुन्हा

नको येऊ पुन्हा 

                          -- Pranil Gamre

तू येता परतूनी साऱ्या आठवणी ताज्या होतील 

 नको येऊ पून्हा जीवनी त्या आठवणी नव्या अपेक्षा देतील 

आता नको पुन्हा तुझी वाट पाहत राहणे

नकोयत मला तुझे कुठलेच बहाणे

नकोयत कुठलेच वचन जे पूर्ण करता नाहीं येणार

जे पुन्हा माझ्या नयनी असवांचं कारण होणार

तुझ्या मधाळ बोलण्यात मला पुन्हा नाहीं भुलून जायचं

थकलो आता नाहीं कुठल्याच विवादात मला राहायचं

माझ्या चेहेऱ्यावरचं हसू तुझ्यामुळे हरवलं

तुझ्या जाण्याने मी माझ्यातल्या मला ही गमावलं

 तुझ्या प्रेमाच्या झूल्यात आता मी नाहीं बसणार

तुझ्या भुलथाप्यात आता मी पुन्हा नाहीं फसणार

नको येऊ पुन्हा जीवनी, मी स्वतःला सावरत आलीये

विसरलेली माझी ओळख मला पुन्हा झालीये