क्षितिज

*****************KSHITIZ*******************

tum ek nadi ki tarah laharati,

main sukha bejan sa registan,

tum jaise ho ek sundar pari,

main koshish karta bebas insan...

tum wo jo uche khwab ho dekhti,

main bas apne me hi simta hua,

tum har taraf ho sabhi kuch dekhti,

main bas tujhe takta, jad hota hua..

tum jaise ho ek tamanna,

main bas jarurato per atka hua,

tum lakshya ki taraf badti huyi,

main chauraahe per hi bhatka hua..

tum jaise ho ek rahasya sa,

main kitab ke panno sa khulta hua,

mel hamara kuch aisa hai,

jaise gagan jameen se milta hua..

aur KSHITIZ sa banta hua...