नींद - भूपिन ब्याकुल's image
Nepali Poetry1 min read

नींद - भूपिन ब्याकुल

Bhupin ByakulBhupin Byakul June 16, 2020
Share0 Bookmarks 27 Reads0 Likes

सुत्ने बेलामा क्षितिजमा

एउटा सग्लो जून देखेको हुँ

सपनाको ऐँठन बाट अत्तालिंदै

राति

सिर्फ

एकपटक

ब्यूँझिएको हुँ

र त्यो बेला देखेको हुँ आकाशमा

अनुहार मेटिएको आधा जून

तर अहले मध्याकाशमा

किन कतै पनि जून देख्दिनँ म् ?

बादल लागेको पनि छैन

जून डुब्ने समय भएको पनि हैन

र आकाशमा जून नहुनु

मेरो कुनै भ्रम पनि हैन !

के एकै रातमा पनि

फरकफरक अनुहारका जूनहरु उदाउँछन् ?

त्यो नुतन र चुपचाप रातमा

त्यो फरक र सुनसान रातमा

म आफ्नै जिज्ञासाको जवाफ खोजिरहेको थिएँ

आँखा मिच्दै र आङ तन्काउदै घडी हेरें

घडीभित्र भूमिगत बसिरहेको समयले

मलाई मिहीन आवाजमा भन्यो-

कति लामो निंद सुतेको तिमी ?

थाह छ ?

तिमि पुर्णिमाको मध्यरात सुतेका थियौ

र आज

औंसीको रातमा ब्युँझिएका छौ !

No posts

Comments

No posts

No posts

No posts

No posts