जीवनको गति - भूपिन ब्याकुल's image
Nepali Poetry1 min read

जीवनको गति - भूपिन ब्याकुल

Bhupin ByakulBhupin Byakul June 16, 2020
Share0 Bookmarks 30 Reads0 Likes

मा पक्रन खोज्छु जीवनलाई

कुनै सिकारु फोटोग्राफरले

क्यामरामा पक्रन चाहेझैं चट्याङको कला

आकाशमाकालो बादल लागिरहेछ

छिनछिनमा आइरहन्छ डरलाग्दो आवाज

र छिनछिनमा परिरहन्छ चट्याङ

कुनै पेसेवर सर्जनले झैं

चट्याङले गरिरहन्छ

बिरामी आकाशको सफल अप्रेसन

म निको पार्न चाहन्छु

छातीको घाउ !

बर्षौदेखि उभिइरहेको छु

आकाशतिर फर्किएर

र चोरऔंला तैयार राखेर बटनमाथि

जब संकेत पाएर चट्याङको

थिच्छु मा क्यामराको बटन

चट्याङले बनाएको सुन्दर चित्र

आकाशमा मेटिइसेकको हुन्छ !

हरपल

म पक्रन खोज्छु जीवनको गति !

No posts

Comments

No posts

No posts

No posts

No posts