ईश्वरका नदीहरु - भूपिन ब्याकुल's image
Nepali Poetry1 min read

ईश्वरका नदीहरु - भूपिन ब्याकुल

Bhupin ByakulBhupin Byakul June 16, 2020
Share0 Bookmarks 52 Reads0 Likes

ईश्वरले छोएपछि टक्क रोकिन्छन्

ईश्वरका नदीहरु !

ईश्वरले छोएपछि ह्वात्त घट्छन् –

ईश्वरका नदीहरु !

ईश्वरले छोएपछि स्वाट्ट बढ्छन् –

ईश्वरका नदीहरु !

तर मान्छेका नदीहरु

त्यति धेरै आज्ञाकारी हुँदैनन्

त्यही स्तरमा शासित हुँदैनन्

त्यही हदमा अनुशासित हुँदैनन्

मान्छेका नदीहरु

निरन्तर विद्रोह गरिरहन्छन्

निरन्तर युद्ध लडिरहन्छन्

निरन्तर रुपान्तरित भइरहन्छन

ईश्वरका नदीहरु

स्वयम् ईश्वरहरुझैं

कथाहरुमा बग्छन

कथाहरुमा रोकिन्छन्

र कथाहरुमै घटबढ हुन्छन्

जब कि, बगिरहन्छन् निरन्तर

अबरोधहरु पन्छाउँदै

गतिशीलताको पूजा गर्दै

रुपान्तरणलाई स्वीकार गर्दै

महान्-आस्था समुद्रमा विलीन हुन

उत्सव मनाउन

आकाशमा उड्न

र फेरी नदी बन्न

नदीहरु !

ईश्वरले छोएपछि टक्क रोकिन्छन्

ईश्वरका नदीहरु !

No posts

Comments

No posts

No posts

No posts

No posts