हस्ताक्षर - भूपिन ब्याकुल

नाङ्गै पैतालाको धुलोले

त्यहाँ मलाई एउटा हस्ताक्षर गर्ने रहर छ !

त्यहाँ अरु केके छ म जान्दिनँ

पर्खालभित्र

एउटा मांसहारी रुख छ

त्यसको फूलमा ज्यानमारा गन्ध छ

शताब्दीऔंदेखि

त्यही गन्धले

मेरा सपनाहरुको भोज खाएको छ

समयको बाढी पसेर

मलाई

त्यसको जरा उखेलिएको हेर्ने रहर छ !

समय जाम परेको सडकमा

त्यस नरभक्षी रुखलाई

अवतार मान्नेहरुको कुरूप भीड छ

लस्कर