फूंक's image
Share0 Bookmarks 47 Reads1 Likes

फुंक'-

एकच फुंक -

चूल पेटवण्यासाठी-

माचिस विझवण्यासाठी-

उदबत्ती तेवण्यासाठी -

कचरा उडवण्यासाठी -

दुर्गंध सारण्यासाठी

पेय थंडावण्यासाठी -

वेदना शमवण्यासाठी -

फुंक ती एकच

सिगरेट फुकण्यासाठी-

धूके विरवण्यासाठी-

खाल्ले तिखट सहण्यासाठी-

केर डोळ्यातला काढण्यासाठी-

थंड शेकोटी भडकवण्यासाठी- -

आणि दाखवलाच कोणी तोरा

तर 'गेला उडत' म्हणण्यासाठी-

कधी फूंकतो-

युद्धाच्या तुतारी साठी

पुजेच्या शंखध्वनीसाठी

लग्नाच्या शहनाईसाठी

गोकुळाच्या बासरीसाठी

मारतो कधी एक फूंकर-

थकवा मिटवण्यासाठी

गरमी घालवण्यासाठी

राग विसरण्यासाठी

निराशा भिरकावण्यासाठी

कानामागून गुदगुल्यांसाठी

अन् कधी कधी -

हळूच श्रृंगार फुलवण्यासाठी

कधी मारतो फुंक

योग प्राणायामा साठी

कुडीत प्राण रोखण्यास

कृत्रिम श्वासोच्छासासाठी

फुंकी मधला हा श्वास तोच,

वायू तोच ओठ तेच असले तरी

फुंक मात्र तीच नाही-

जसा तिचा हूँकार आहे

तसा तिचा प्रकार आहे

मनातल्या उद्देशाचा तो

प्रामाणिक आविष्कार आहे


अतुल पाटणे

No posts

Comments

No posts

No posts

No posts

No posts