Wajood...'s image
Share1 Bookmarks 80 Reads0 Likes
Mein ek sawaal hu
Jalta-bujhta ek mashaal hu
Bhram kya tujhe mere hone pe
Aakar dekh mein be-misaal hu...

Jalta hua angaar hu
Bujha hua woh raakh hu
Kitaabo me likha lafzon sa
Kagazo par bikhra woh syahi hu...

Dariyaan me doobta hua kashti hu
Parvat pe mukut woh choti hu
Raaston me badhta hua kadamo sa
Manzil ka woh aakhri dastak hu...

Yaadon ka woh pal hu
Waqt ka badalta aaj-kal hu
Fizaaon me garajta baadlo sa
Har taraf barsa woh jal hu...

Kaanto se bhara phool hu
Labo se nikla woh bol hu
Dil me dabi huyi khwahishon sa
Andhere me kaid woh jugnoo hu...

Mitti se nikla hua beez hu
Ishq ka woh aakhri mareez hu
Boond boond se bana saagar sa
Is kainaat ka ek wajood hu...

Ek wajood hu...

[A.k.Gupta.]

No posts

Comments

No posts

No posts

No posts

No posts